తెలుగు

1 మాతృ భాష తల్లి లాంటిది అంటారు. పరాయి భాషలు సవతి తల్లి లాంటివి.

2 మాతృ భాష సహజంగా ప్రయత్నం లేకుండా వస్తుంది. వేరే భాషలు ప్రయత్నంతో నేర్చుకోవాలి.

3 మాతృ భాషలో వచ్చే వ్యవహారిక వాడకం మిగతా భాషలలో కూడా రావచ్చు. కాని సృజనాత్మకత మాతృ భాషలో వచ్చినట్లుగా మరో భాషలో రాదు.

4 నేడు మాతృ భాషలో ధైర్యంగా, స్పష్టంగా, తప్పులు లేకుండా మాట్లాడలేని దురదృష్టవంతులు చాలా మంది కనిపిస్తున్నారు.

5 ఆంగ్ల భాష మీద మోజు పెంచుకుని తెలుగును నిర్లక్ష్యం చేసి రెంటికీ చెడిన వారవుతున్నారు.

6 తెలుగు మాట్లాడేవాడు ప్రపంచంలోని ఏ భాషలోని శబ్దాలనైనా పలకగలడు.

7 వినడానికి ఇంపైన శబ్దాలతో శ్రావ్యమైన భాష తెలుగు.

8 అచ్చు అక్షరాలతో అంతమయ్యే ఇటాలియన్ భాషలా ‘ఉ’ కార అంతంతో  మాధుర్యం నిండిన భాష తెలుగు.

9 తెలుగు శబ్దాలు పలికినపుడు మొహంలోని కండరాలాన్నిటికి కలిగే వ్యాయామంతో మొహానికి వన్నె తెచ్చే భాష మన తెలుగు భాష.

Also read: “ప్రపంచ విద్యార్థుల రోజు”