మెల్లగా … మృత్యు ముఖంలోకి

——————————

పాబ్లో నెరుడా ( Pablo Neruda)—Chilean poet

Poem” You start dying slowly”

స్వేఛ్ఛాను వాదం :. సి. బి. సి. మోహన్

——————————–

ఎప్పుడైతే

— లోకాన్ని చుట్టి రావో

— పుస్తక పఠనం ఆపుతావో

— జీవన నాదాన్ని వినలేవో

— నిన్ను నువ్వు ప్రశంసించుకోవో

అప్పుడే ,

నువ్వు మృత్యువుకు దగ్గరవుతున్నట్లు లెక్క.

ఎప్పుడైతే

—నీ ఆత్మ గౌరవాన్ని హననం చేసుకుంటావో

— అవసరంలో నీకు అందించిన స్నేహ హస్తాన్ని అందుకోవో

అప్పుడే

నువ్వు మరణిస్తున్నావని గ్రహించు .

——- నీ అలవాట్లకు బానిసవైతే

రోజూ ఒకే మార్గంలో నడుస్తూ పోతే

నీ పధ్ధతులు మార్చుకోకపొతే

రకరకాల వర్ణాంబరాలు ధరించకపొతే

అపరిచితులతో మాట కలపకపొతే

నువ్వు అంపశయ్యపై నున్నట్లే అనుకో !

——– నీ గుండె లయ వేగం చేసేవీ

నీ కన్నుల్లో మెరుపులు మెరిపించేవీ

అయిన తీవ్ర ఆకాంక్షలను

వాటి చిక్కటి భావోద్వేగాలను

అనుభూతి చెందడానికి

నీ మనసు నిరాకరిస్తుందో

అప్పుడే నీవు చావుకు దగ్గరవుతున్నావని తెలుసుకో !!

——- అగమ్యగోచరమైన దానిలో

ప్రమాదాలకు సిధ్ధమవవో

కలలను సాకారం చేసుకోవడానికి

వాటి వెంట పడవో

జీవితంలో ఒక్కసారైనా

నీనుండి నీవు పారిపోటానికి

సిధ్ధపడవో

అప్పుడే నువ్వు లేవని గ్రహించు

నీ జీవితాన్ని ప్రేమించు

నిన్ను నువ్వు ప్రేమించుకో !!

Also read: ఓ…..మనిషీ!!

Also read: బంధన ఛేదిత – ఊర్వశి