కవితోత్సవం

కవిత

భావానికి సుందర రూపం

కొంతలో ఎంతో నింపుకుని

అందమైన ఊహలకు

మెరుగులు దిద్దే భాషతో

మది ఆహ్లాద పరిచేది

ఉల్లాసంతో మనసు చిందులు వేయించేది

ఆలోచనలను గిలకొట్టేది

సందేశం అందించేది

బతుకు దీపం వెలిగించేది

లాక్షణిక సూత్రాలకు లొంగనిది

ఛందోబంధాలకు  కట్టుబడనిది

పడికట్టు పద విన్యాసాలకు

అతీతమైనది

భావోద్వేగాలను అందంగా వెలువరించేది

ఆనందోబ్రహ్మని తలపింపజేసేది

సృజనలో అంతర్మధన  సంకటం

పూర్తవగానే ప్రసవం జరిగినంత హాయి

మనో కాయాల క్లేశ విముక్తి

సువిమర్శతో భావప్రాప్తి.