అర్థం లేనిదే ప్రేమ

ఓ సారి రాధ కృష్ణుణ్ణి అడిగిందట:

కృష్ణా కోపం అంటే ఏమిటి అని.

వేరేవాళ్ళ తప్పు కి శిక్షను మనకి మనమే విధించుకోవడం అని

రాధ మరో ప్రశ్న వేసింది:

ప్రేమకీ స్నేహానికీ తేడా ఏమిటీ అని

ప్రేమ బంగారం అయితే స్నేహం వజ్రం అని కృష్ణుడి జవాబు

అదెలా  అని అడిగిన రాధతో కృష్ణుడు అంటాడూ:

బంగారం ముక్కలయినా దానికి పూర్వ రూపం ఇవ్వొచ్చు,    వజ్రం ముక్కలతే ఇక అంతే.

రాధ ఆడుతోంది: కృష్ణా నేను ఎక్కడెక్కడ ఉన్నాను?

కృష్ణుడు చెబుతున్నాడు: నా మనసులో, నా మాటలో, నా మురళిలో, నా గానం లో, నా హృదయ లయలో .  ఇన్నేల  నా తనువూ మనసూ సమస్తమూ నీవే రాధా

రాధకి ఓ డౌట్ వచ్చింది. 

అయితే కృష్ణా  మరి నేను లేనిది ఎక్కడ?

నిట్టూరుస్తూ కృష్ణుడు అన్నాడు: 

నా విధి రాతలో.

అయితే కృష్ణా ప్రేమకు  అసలు అర్థం? రాధ

అర్థమే ఉండేదయితే అది ప్రేమ ఎలా అవుతుంది?  ఎందుకవుతుంది? కృష్ణుడు

(ఎక్కడో ఎప్పుడో విన్న దానికి  అక్షర రూపం)

…..గొర్రెపాటి మాధవరావు