భారతీయ ఆంగ్ల కవులు-4
పెద్ద పోలీసు అధికారి అయిన కేకి దారువాలా ప్రసిద్ధ కవి. “మైగ్రేషన్స్” అనే కవితలో వలస పోవడం ఎంత కష్టమో వివరిస్తారు. వలసలకు కారణాలు కరువు, అంటూ రోగాలు, యుద్ధం లాంటివి. కాలక్రమేణా స్వంత ప్రాంతాలకు పరాయి వాళ్ళమైపోతాము. అది మనసును బాధించే విషయం. అలాగే గతం గురించిన ఆలోచన మనల్ని విచారంలో ముంచేస్తుంది. చిన్నతనంలో అమమ్మతో ఎంతో సంతోషంగా ఉన్నా, ఆవిడ ఇప్పుడు గుర్తు లేదు. అలాగే ఇప్పుడున్న అమ్మ మరికొంత కాలానికి గుర్తు లేకుండా పోతుంది. ఏ మనిషీ కాలాన్ని వెనక్కి తీసుకెళ్ళలేడు. ఒక ప్రాంతంనుండి మరొక ప్రాంతానికి కదలి వెళ్ళడం, ఒక కాలం నుండి మరొక కాలానికి కదలకుండానే వెళ్ళడం, శారీరక, మానసిక వలసలు. ఈ రెండు రకాల వలసలను, బాదాకరమైనవి అయినా, తప్పనివంటూ వివరిస్తాడు కవి.
