హైదరాబాద్ : పద్మశ్రీ దర్శనం మొగిలయ్య కు హైద్రాబాద్ లో నివాస యోగ్యమైన ఇంటి స్థలంతో పాటు ఇంటి నిర్మాణం ఖర్చు, ఇతరత్రా అవసరాల కోసం రూ.1 కోటి ని ముఖ్యమంత్రి కె.చంద్రశేఖర్ రావు ప్రకటించారు. శుక్రవారంనాడు ప్రగతి భవన్ లో కేసీఆర్ ను మొగిలయ్య కలుసుకున్నారు. మొగిలయ్యకు శాలువా కప్పి సత్కరించారు. దర్శనం మొగిలయ్య నాగర్ కర్నూల్ జిల్లా లింగాల మండలం అవుసలికుంటకు చెందినవారు. పన్నెండు మెట్ల కిన్నెర పలికించేవారిలో ఆయన నేటి తరం కళాకారుడు. గ్రామీణ నేపథ్యంలో దశాబ్దాలుగా ఈ కళను నమ్ముకొని జీవించడమే కాకుండా దానిని పునరుజ్జీవింపజేయడానికి శక్తివంచన లేకుండా శ్రమిస్తున్నారు. ‘‘కిన్నెర మెట్ల కళ అత్యంత అద్భుతమైనది. నాతోనే ఈ కళ అంతం అవుతుందా అని మనోవ్యధ చెందుతున్న సమయంలో పద్మశ్రీ పురస్కారం దక్కిందనీ, ఈ కళకు జీవం పోసినట్టు అయిందనీ మొగిలయ్య పద్మ అవార్డు గురించి విన్న తర్వాత వ్యాఖ్యానించారు.
- Advertisement -![spot_img]()
