ఇప్పుడంతా
బహిరంగమే
అంగాలు
అంతరంగాలు
బహిరంగమే !
బహిరంగ మలాలై
బహిరంగ మూత్రాలై
దారి పక్క దిగబడిన
దుఃఖాలై
వాహనాల వెలుతురు
పడగానే
లేచి నించున్న
అవ మానాలై
మళ్ళి మళ్ళి
మోసపోయిన
మానాలై
అధికారులేదో
ఏర్పాటు చేస్తారని
ఎదురు ఎదురు
చూసి
ఐదేళ్ళ కొక సారి
మానభంగాలైన
ఓటు కన్య లై
**
నీ చరిత్ర రక్తం తో
మొదలయిందని తెలుసు
రక్తం నుండి రక్తం వరకూ
నెల అని నీకు తెలుసు
అధికార మదం
అంధురాలిగా
చేస్తే
ముట్టు గుడ్డ అడిగిన
పాపానికి
ఆడదానివని మరిచి
పుష్పవతి మతిని
చితక గొడతావా?
రేపటి నుండి
అమ్మమ్మ దుమ్ము బట్టలో,
అమ్మ పాత బట్ట లో,
చుట్టుకని
అవమానాల
మానాలై
ఫంగస్ యోనులై
మిగులుతారు
( బిహారు ఐఎ ఎస్ అధికారి శానటరీ పాడ్ అడిగిన స్కూలు లో చదివే అమ్మాయిని అవమానించిన ఘటన చదివి)
-వీరేశ్వర రావు మూల
