స్త్రీ

ఆదిశక్తి స్వరూపిణి

మాతృ దేవత

తోడబుట్టినది

జీవితం పంచుకున్నది

కన్న బిడ్డ

గ్రామ దేవత

వన దేవత

నదీమ తల్లి

దేశ మాత

తెలుగు తల్లి

అనేస్తారు అలవాటుగా.

వంటింటి కుందేలు స్థాయి నుండి

ఏలిక స్థాయి వరకు

అన్నిటా మగవారితో సమానంగా ఎదిగినా

ఆడది కనిపిస్తే మగవాడు చూసేది ఆక్కడే

సినిమాల ప్రభావమో

బూతు సినిమాల అలవాటో

టీవీలో హాస్యం పేరిట జరిగే కార్యక్రమాలో

ఆడవాళ్ళ వస్త్రధారణో

మగవారి కుసంస్కారమో

కారణాలు ఏవైనా

రోజు రోజుకు దిగజారుడే

ప్రమాదపు అంచున బ్రతకడమే.

ఒకప్పుడు మగవాడు సిగరెట్ తాగడం ఫ్యాషన్

ఇప్పుడు వనిత మద్యం తాగడం ఫ్యాషన్

ఈ పరిస్థితులకు కారకులెవరైనా

సరిదిద్దే ప్రయత్నం జరగడం లేదు

ఎవరైనా ప్రయత్నిస్తే

ఛాందసమని చప్పరించేస్తున్నారు

వ్యతిరేకిస్తే ఉప్పెనలా దూకుతున్నారు

అబల సబలగా మారే ప్రయత్నంలో

పుట్టిన కుక్క మూతి పిందెలా ఇవి?

Also read: ఆత్మావలోకనం

Also read: చదువు

Also read: దేవాంతకులు

Also read: పెంపకం

Also read: చూపు