70 మందికి గాయాలు
పాకిస్థాన్ మ‌ళ్లీ బాంబు పేలుడుతో వ‌ణికింది. పెషావ‌ర్‌లోని ఒక మ‌దార్సాలో చోటుచేసుకున్న పేలుడులో ఇంత‌వ‌ర‌కూ ఏడుగురు దుర్మ‌ర‌ణం పాల‌య్యారు. 70మందికి పైగా గాయ‌ప‌డ్డారు. గుర్తు తెలియ‌ని వ్య‌క్తులు పేలుడు ప‌దార్థాలున్న బ్యాగును మ‌దార్సాలో ఉంచారు. కొద్దిసేప‌టికే అది పెద్ద శ‌బ్దంతో పేలిపోయింది. ఈ పేలుడుతో ఆ కాల‌నీ మొత్తం కంపించిపోయింది. డాన్ ప‌త్రిక స‌మాచారం ప్ర‌కారం మృతుల సంఖ్య మ‌రింత పెరిగే అవ‌కాశ‌ముంది. ఆదివారం నాడే బ‌లూచిస్థాన్‌లో జ‌రిగిన పేలుడులో ముగ్గురు మ‌ర‌ణించిన విష‌యం తెలిసిందే.
