కేసీఆర్ కి ఆరోగ్య పరీక్షలు, సమస్య ఏమీ లేదు:డాక్టర్ ఎంవి రావు

హైదరాబాద్ : ముఖ్యమంత్రి కె. చంద్రశేఖరరావు (కేసీఆర్)కి ప్రతి ఏటా ఫిబ్రవరిలో పరీక్షలు చేస్తుంటాం. రెండు రోజులుగా బలహీనంగా ఉన్నట్లు చెప్పారు. సాధారణ పరీక్షలు చేశాం. ఎడమ చెయ్యి, ఎడమ కాలు కొంచెం నొప్పిగా ఉందన్నారు. దీంతో ముందు జాగ్రత్తగా మరికొన్ని పరీక్షలు చేస్తున్నామని కేసీఆర్ వ్యక్తిగత డాక్టర్ ఎం.వి.రావు తెలిపారు. ‘‘రొటీన్ పరీక్షల్లో భాగంగానే సీటీ స్కాన్, కార్డియాక్ యాంజియోగ్రామ్ చేస్తున్నాం. ఈ పరీక్షల ఫలితాలను బట్టి ఏంచేయాలో చూస్తాం. వారు నిలకడగా ఉన్నారు. ఇది కేవలం ముందుజాగ్రత్తతో చేస్తున్న పరీక్షలు మాత్రమే’’ అని శ్రీ ఎం.వి.రావు అన్నారు.