కనబడుట లేదు

—————-——

          రాజేందర్ జింబో

———————–

ఈ పండుగలు

ప్రత్యేక దర్శనాల

బాధల నుంచి

వీవీఐపిల నుంచి

విముక్తి కోసం

అతను మాయమైపోయాడు

కాదు…

పారిపోయాడు

అతని ఆచూకీ కోసం

హెబియస్ కార్పస్ ని దాఖలు చేసారొకరు

అతని ఆచూకీని పోలీసులు కనుక్కోలేక పొయ్యారు

చెప్పకుండా పారిపోయినందుకు

కేసు నమోదు చేసి

వారంటుని జారీ చేసారు మరొకరు

ఫలితం లేకపోయింది

చివరికి

‘ప్రకటిత నేరస్తుడి గా (ProclaimedOffender) ప్రకటించారు

ఇప్పుడెవరైనా అతన్ని పట్టుకోవచ్చు

అతను ఏ వీఐపి ఇంట్లోనో దాక్కుని వుంటాడు

లేదా

వైకుంఠానికో వెళ్ళిపోయివుంటాడు

ఈ పరిస్థితి ని అధిగమించడానికి

ఓ మిత్రుడన్నాడు

డిల్లీని తిరుపతికి మార్చాలని ,

మీరలా అంటే

మేము ఏడుకొండలు నే ఎత్తి

ఢిల్లీ లో పెట్టాలంటాము.!!

అన్నాడు ఓ డిల్లీ పెద్ద

ఏమైనా

జనం సంద్రం తగ్గి

కొండలన్నీ హాయిగా

ఊపిరి పీల్చుకున్నాయి

Also read: నొప్పి మందు

Also read: ఒకప్పుడు …

Also read: నో …ఓపెన్ సెసేం

Also read: బ్రహ్మకమలం

Also read: నాలుగు పాదాల మీద న్యాయం …