భయం

——-

( Khalil Gibran

‘Fear ‘కు స్వేఛ్చానువాదం )

సి .బి .సి .మోహన్

———

సాగరంలో విలీనమయ్యే వేళ

నదీమ తల్లి ఆకులా వణికి పోతుంది

కొండలు ,అడవులు ,కుగ్రామాలు

దాటుకుంటూ

వయ్యారంగా మెలికలు తిరుగుతూ

తానొచ్చిన త్రోవను ఒక్కసారి

వెనక్కి తిరిగి చూసుకుంటుంది

— ముందేమో మహా సాగరం

దానిలో విలీనమవటం అంటే

తనను తాను కోల్పోవటమే !!

— కాని వే రే మార్గం లేదు

నది తన మార్గం మార్చుకోలేదు

ఆ మాట కొస్తే నది మాత్రమే కాదు

ఎవ్వరూ గతం లోకి

తమ మార్గాల్ని మరలించుకోలేరు .

అది మన అస్తిత్వంలో అసాధ్యమైన పని !!

సాగర సంగమం తప్ప

నదికి అన్యధా శరణం నాస్తి !!

ఎందుకంటే

— తాను అస్తిత్వాన్ని కోల్పోవడం లేదు,

తానే సాగర మవుతున్నానని —

అప్పుడే నది తెలుసుకుంటుంది .

— అప్పుడే నది తన భయాన్ని

రూపు మాపుకుంటుంది —

Also read: అంకురాలు

Also read: మెల్లగా … మృత్యు ముఖంలోకి

Also read: ఓ…..మనిషీ!!

Also read: బంధన ఛేదిత – ఊర్వశి