విధి విలాసం

July 9, 2021

485

చంద్రబింబంలాంటిమోము

వన్నెల జాలువారే కళ్ళు

నల్లటి నిగనిగల మేనిరంగు

నిటారుగా నిలుచున్న నాసిక

తేనెల బావిని తలపించే పెదాలు

సంగీత జలపాతం లాంటి నవ్వులు

లావణ్య సౌందర్యం నిండిన

ముగ్థమోహనరూపం

నా చెలి సొంతం

రాగరంజితమైన మనసు

సంస్కారసౌందర్యంతో కూడిన తలపులు

సౌకుమార్యం నిండిన నడక

సున్నితత్వం మూర్తీభవించిన నడవడి

మార్దవం నిండిన భాషణం

నా చెలి సొంతం

ప్రజ్ఞ, ప్రతిభ పోటీపడతాయి తనతో

వినయం, వివేకం వెల్లవవుతాయి తన వ్యక్తిత్వంలో

మనసు, బుద్ధి శోభితమవుతాయి ఆమె చూపుతో

ఆలోచన, అభివ్యక్తీకరణ ఆకర్షణీయంగా వుండే

సకల సద్గుణాల భూషణాలు

నా చెలి సొంతం

చెలి కోరుకున్నా నా సొంతం కాలేకపోవడం

విధి విలాసం

Also read: గుమ్మడి పువ్వు