శాంతి – యుద్ధము

                    ———–  ————-

(‘ PEACE AND WAR’ FROM ‘THE WANDERER’ ,BY KAHLIL GIBRAN)

అనువాదం:డా.సి. బి. చంద్ర మోహన్

               15. సంచారి తత్త్వాలు

               ————–   —————-

        మూడు శునకాలు ఎండలో మొరుగుతూ ఇట్లా మాట్లాడుకుంటున్నాయి.

         మొదటి కుక్క పారవశ్యంగా ఇట్లా  అంది ” ఈ శునక రాజ్యంలో జీవించడం చాలా ఆనందంగా ఉంది. మనం ఎంత సులభంగా నీళ్లలోనూ, భూమిపైనా , ఆకాశంలోనూ ప్రయాణించ గలుగుతున్నామో చూడండి ! శునకాల సుఖం కోసం కనుగొన్న సాధనాలు (చివరకు మన చెవులకు, కళ్ళకు,  ముక్కులకు కూడా ) ఒక్కసారి తలుచుకోండి.”

          రెండో  శునకం ఇలా అంది ” మనం కళలలో  చాలా శ్రధ్ద చూపిస్తున్నాము. మనం – మన తాత, ముత్తాతల కంటే చంద్రుణ్ణి చూసి చాలా శ్రావ్యంగా మొరుగుతాం. నీళ్లలో మన ప్రతిబింబాలు చూసుకుంటే , మన ముఖాలు పూర్వం కన్నా స్వచ్ఛంగా ఉంటాయి.”

            మూడో కుక్క ” శునక రాజ్యాల మధ్య ఉన్న శాంతియుత అవగాహన నాకు ఆసక్తి కలిగిస్తుంది. నా దృష్టి అంతా దాని మీదే ఉంది !” అంది.

            అదే సమయంలో కుక్కలు పట్టే మనిషి రావడం చూసాయి ఆ శునకాలు.

            ఆ మూడు శునకాలు ఒక్క ఉరుకు ఉరికి రోడ్డున పడ్డాయి. పరుగు తీస్తూనే  మూడో  శునకం ఇట్లా అంది ” మీ ప్రాణాలు కాపాడు కోండి. నాగరికత మనల్ని తరుముకొస్తోంది. “

Also read: “నేతి”

Also read: వేదన

Also read: మూడు కానుకలు

Also read: సౌందర్యం

Also read: ప్రజలే ప్రభువులు