సంచారి తత్త్వాలు

                 —————————

(From “The Wanderer” by KAHLIL GIBRAN)

                2. మెరుపులూ, పిడుగులూ

                ———————- ——————

         అనగనగా ఒక రోజు ఒక  క్రిస్టియన్  బిషప్  చర్చిలో  కూర్చొని   ఉండగా, మతం పుచ్చుకోని ఒక  స్త్రీ  వచ్చి , అతనితో  ఇలా  అంది.

         “నేను  క్రిస్టియన్ మతం  కాదు. నాకు  నరకపు అగ్ని జ్వాలల నుంచి విముక్తి  ఉందా?”

బిషప్ “లేదు. పవిత్ర జలాలు జల్లించుకొని , మతం తీసుకున్న వారికే  మోక్షం  వస్తుంది.”

అతను ఆ మాటలు అంటూ ఉండగానే , ఓ పిడుగు ,  ఉరుముతూ  ఆ చర్చి మీద పడింది. చర్చి కాలి పోయింది. గ్రామస్తులందరూ  పరుగుతో వచ్చి ఆ  స్త్రీ ని  రక్షించ గలిగారు. బిషప్ ఆ పిడుగు మంటల్లో కాలి పోయాడు!!

                    3. నవ్వు, కన్నీళ్లు

                        ———————-

ఒక రోజు సాయంత్రం నైలు నదీ తీరంలో  ఒక హైనా, ఒక మొసలి కలుసుకొని  అభివందనలు తెలుపుకున్నాయి.

హైనా  ” రోజులెట్లా  గడుస్తున్నాయి  సార్?” అని అడిగింది.

మొసలి ” దారుణంగా ఉన్నాయి. ఒక్కో సారి నా  బాధలో, దుఃఖంలో నేనేడ్చినా అందరూ అవి  ‘మొసలి  కన్నీళ్ళే ‘ అంటున్నారు. అది నా గుండెపై

సమ్మెట పోటులా  ఉంది.” అంది.

అపుడు  హైనా ఇట్లా అంది. ” నీ బాధ, దుఃఖం  గురించే  మాట్లాడుతున్నావు. నా గురించి కొంచెం  ఆలోచించు. ఈ లోకంలో  అందం, అద్భుతాలూ, ఆశ్చర్యాలూ చూసి, కేవలం ఆనందంతో నవ్వితే  చాలు – జనాలు అది ‘హైనా నవ్వు’ అంటున్నారు.”

Also read: సంచారి “తత్త్వాలు”