ఆంధ్రభూమి

రాజు కొడుకు రాజే కావాలి

దానికోసమే రాజకీయం రాజుకోవాలి

మర్రి నీడలో మరో మొక్క కి మనుగడ లేదు !

మిధ్యా ఊహలతో మొదలెడతాడు

మధ్యలో వెండి తెరపై వెలుగుతాడు

ఎప్పటికి నాయకుడిగా తేలతాడు?

కటకంతో కాంచినా కానరాదు అభివృద్ది

బడ్జెట్ లో లేదు కేంద్రానికి పెట్టుబుద్ది

రాజోలిబండ రైతుల వెతలు నిత్య వృద్ది

పోలవరం ఒక కలవరం

రైతు కలల కల్లోల సాగరం !

పధకాలతో ప్రసిద్ది

ఫ్యాక్షన్ యాక్షన్ లు సమృద్ధి

వడ్డి పై వడ్డి మనకు దొరికే సిద్ది

విడి పోయి

ఓడి పోయిన శ్రీరాముల త్యాగభూమి

నిత్య వేదనల కర్మ భూమి

ఇది ఆంధ్ర భూమి

– వీరేశ్వర రావు మూల

Also read: డైన్ మైట్

Also read: భ్రమరావతి