వాళ్ళంతా వాగ్ధాన కర్ణులే
జనం ఘూర్ణిల్లే వేళ కుంభ కర్ణులే !
ప్రతి మాసం లో మోస పోతున్నాం
అచ్చే దిన్ వస్తుందని
మురిసిపోతుంటాం !
Also read: దేవుడా రక్షించు నా దేశాన్ని!
మన తాటాకు చప్పుళ్ళ కి
కరోనా క్రిములు బెదురుతాయనకుంటాం !
కరోనా మూలాలు వేదాల్లో ఉన్నాయని
విజ్ఞాన బ్రాంతి పొందుతాం !
Also read: నగరం
వీర బ్రహ్మం ఆనాడే చెప్పాడని
తాటాకులు తిరగేస్తాం !
నేతలకి ప్రకృతి ఉపద్రవం
తగ్గగానే అధికార దాహం మొదలు
బ్యాలెట్ పెట్టెలు నిండ గానే
శవాల పెట్టెలు కూడా లేస్తుంటాయి.
వ్యాక్సిన్,ఆక్సిజన్
మ్యూజియం లో వస్తువులవుతాయి
పొరుగు దేశాలకి ఎగుమతులు ఎగదోశినపుడు
దేశం లో చితి జ్వాలలు చెలరేగుతాయి !
Also read: ఇండియా ప్రైవేట్ లిమిటెడ్
మద్య సరఫరా నిరంతర ప్రక్రియ
మత్తు లో జోగే జాతి ప్రశ్నించదుగా
యుద్దానికి సన్నద్దం కాని వాళ్ళకి
మరణ మృదంగ ధ్వని తప్పదు గా
చెంచాడు శానిటైజర్,మూతి గుడ్డల
తో జీవన గతి ఎటో ?
నిత్య మృత్యు నృత్యానికి
ఇప్పుడు మనిషోక
నిర్వికార సాక్షి !
Also read: మిత్రమా ఇక యుద్ధం అనివార్యమే !
