రాజదండము

                       ————————–

(‘SCEPTRE’ FROM ‘ THE WANDERER ‘ BY KAHLIL GIBRAN)

తెలుగు అనువాదం: డా. సి. బి. చంద్ర మోహన్

                       38. సంచారి తత్త్వాలు

                       ————————–

          ఒక రాజు తన భార్యతో అన్నాడు.” మేడం, నీవు నిజంగా రాణివి కావు.  నీవొక అసభ్యకరమైన, దయలేని స్త్రీవి. నీవు నా సహచరిగా ఉండడానికి పనికిరావు!”

        ఆ భార్య అంది ” సర్, నీకు నువ్వే రాజుగా భావిస్తున్నావు. నిజానికి నీవొక పనికి రాని మాటల పోగువి. “

        ఆ మాటలు రాజుకి కోపం తెప్పించాయి. రాజు తన బంగారు రాజ దండం తీసుకొని రాణి నుదుటి మీద దెబ్బ వేసాడు.

       అదే సమయంలో  లార్డ్  చాంబర్లేన్ ప్రవేశించాడు. ఆయన ఇట్లా అన్నాడు. “ఘనత వహించిన రాజా! ఆ రాజ దండము ఒక గొప్ప కళాకారుడిచే  రూపొందించబడింది. కొంత కాలం తరువాత మీరూ, రాణీ గారూ జ్ఞాపకాల్లో మరుగున పడి పోతారు. కానీ, ఆ రాజ దండం తరాల తరబడి ఒక సౌందర్య వస్తువుగా ఉంచబడుతుంది. ఇప్పుడు మీరు , ఘనత వహించిన రాణి గారి శిరస్సు నుండి రక్తం బయటకు రప్పించారు కాబట్టి — ఆ రాజ దండము  ఇంకా ఎక్కువగా ప్రజల జ్ఞాపకాల్లో ఉంటుంది.”

Also read: అన్వేషణ

Also read: నేరమూ, శిక్షా

Also read: చెెవిటి భార్య

Also read: ఒక దేవుడు మరియు చాలా మంది దేవుళ్ళు

Also read: ఆవాసాలు